< بعدك عذاب او قربك اعذاب >

بعدك عذاب او قربك اعذاب
ونته سبب ياللي حصل لي
اهاب لوني قلت ماهاب
متهوب وانته ابتجلي
ماسرت لك في الحب باحساب
ابدا ولا سرته بمهلي
بالدوب تمشي على داب
وانا لك امشي بالعجلي
امعاكساتك لي بلا اسباب
ماادري دلع والا تغلي
مسموح لو بتدوس العتاب
لو با بتزيد ما بملي
لك العمر بتقضى في اطلاب
اطلب رضاك وبستذلي
لو با اتغلج دوني الباب
لك باب قلبي طلج حلي
لك ناظري بالدمع عباب
والحال مالفرقى استعلى
من عوق وسط القلب ما طاب
جنه الا طب انعمل لي
مصطاب والي يحب ينصاب
هذا الهوى او حكمه عدلي
الحب هبت ريح واعجاب
ماهوب درب للتسلى
ما احمل انا هجران لحباب
ابلا سبب منى وزلي
في شفهم بادوس لصعاب
اوبصبر على حمل الثجلي

3 طاوعك قلبي 3

طاوعك قلبك تغيب وتهجر أحبابك
تنسى غلاهم وتتركهم وتنساهم
حرام تترك خفوقي يشكي غيابك
وأنته في قلبي أعز الناس وأغلاهم
ناديت والصوت لا شتت ولا يابك
يا سيدي يا عديل الروح يا فاهم
وأنته بوجه إشتياقي تغلق أبوابك
وأنا أقرب الناس إلى قلبك وأوفاهم
نسيت حتى تقول شفيك وش صابك
يوم الألم عذّب عروقي وأشقاهم
بدّيت ناس على ناسك وأصحابك
ما أتعبت نفسك تدورهم وتلقاهم
نامت عيونك ونام الليل بأهدابك
واللي شكوا غيبتك ذا النوم ماياهم
زادوا على جرحهم كم جرح بأسبابك
وأن أقبل الليل صوت الجرح صحاهم
أرسل لك عتاب قلبي وأحسب حسابك
وأبياتي البيض دايم باسمك أبداهم
يجبرني الشوق يجبرني على عتابك
وأتمنى تقرا ودادك قبل تقراهم
لمت الخفوق إذا قابلت هلاّ بك
يا أطيب الناس في عيني وأغلاهم

& ودعتكم ياليت ما كان &

ودعتكم ياليت ماكان يوم الوداع القلب ممحون
سالني وش الذي كان المفارق احبابه وش يكون

انا مليك الحب سلطان مضنا ضنين الحب وشلون
قلبي عليكم دوم ولهان دايم بكم مغرم ومشطون

عسى انكم في طول الازمان يحفظكم الله خالق الكون
ياعين حرن شاف حيشان يتوق صوب اللي يهدون

ولا عنود شاف ريعان داير حوز من اللي يصيدون
لحظه وداعي كان اللي كان جني طعين بحد مسنون

ودعتكم ياليت ماكان يوم الوداع القلب ممحون
سالني وش الذي كان المفارق احبابه وش يكون

*أشوفك شي و انت شي*

أشوفك شي وانته شي آخر
حبيبي جل من صور جمالك
اشوف الكون في عيونك مناظر
و أشوف الليل يسبح في خيالك
سحر طيفك استوحل الخواطر
و أزف الشوق من قلب سعالك
اسافر في بحر حبك و خاطر
و رادي بس في الدنيا و صالك
أسابق خطوت أقدامي و أغامر
لجل عينك ولو شفت المهالك
اذا شفتك سكن قلبي المهاجر
وردت روح تتغنى بوصالك تعال
و خلنا من قول باكر تعال و عايش
للخاطر حلالك حبيبي بس لي أشر
و أمر حياة الروح و الدنيا فدالك
رقيق الحس و حروفك مشاعر ارددها
و أسرح في دلالك رعاك الله يا من صرت
أسر أسرة القلب و وهبته جمالك أشوفك
شي وانته شي آخر حبيبي جل من صور جمالك
اشوف الكون في عيونك مناظر
و أشوف الليل يسبح في خيالك ...